2G, 3G, 4G, VoLTE, Know All Details (Explanation)

പ്രിയപ്പെട്ട എല്ലാ സുഹൃത്തുക്കൾക്കും ആൾസോലുഷൻ പോർട്ടലിന്റെ പുതിയ ഒരു അറിവിന്റെ വായനയിലേക് സ്വാഗതം.നിലവിൽ കേരളത്തിലും ഇന്ത്യയിലും അനവധി മൊബൈൽ നെറ്റ്‌വർക്കുകൾ ഉള്ളത് നമ്മുക്ക് അറിയാം.ഇവയിൽ തന്നെ 2G , 3G ,4G  തുടങ്ങി നിരവധി മോഡുകൾ ഉള്ളതായും നമുക്കൊക്കെ അറിയാം. എന്നാൽ എന്താണെന്നു ഈ മോഡുകൾ?

എന്നെ കൊണ്ട് കഴിയും വിധത്തിൽ വളരെ വിശദമായി ആ വിഷയം  അവതരപ്പിക്കാം. പൂർണമായും വായിക്കുക അറിവുകൾ പങ്കു വെക്കുക.

നെറ്റ്‌വർക്കുകൾ

ഇന്ത്യയിൽ അനവധി നെറ്റ്‌വർക്കുകൾ ഉണ്ട് ബിഎസ്എൻഎൽ, എയർടെൽ , വൊഡാഫോൺ, ഐഡിയ, ഏംറ്റീഎസ് , വിർജിൻ, റിലൈൻസ് ഇപ്പോൾ പുത്തൻ നമ്പറുകളുമായി ജിയോ. നമുക്കറിയാവുന്ന നെറ്റ്‌വർക്ക് എന്നത് ദാ  ഞാനീ പറഞ്ഞ പേരുകളാണ്.

എന്നാൽ എന്താണ് യഥാർത്ഥത്തിൽ നെറ്റ്‌വർക്ക്? ഈ പേരുകൾ എല്ലാം ഓരോ കമ്പനികളാണ്. ഇവർ നമുക്ക് നൽകുന്ന റേഡിയോ സിഗ്നലുകൾ, നമ്മെ തിരിച്ചറിയാൻ നൽകുന്ന സിം കാർഡുകൾ (SIM = Subscriber  Identity Module ) പിന്നെ നമ്മൾ ഉപയോഗിക്കുന്ന ഫോണുകളുടെ നെറ്റ്‌വർക്ക് സെലക്ട് ചെയ്യാനുള്ള കഴിവ്, ഈ മൂന്ന് കാര്യങ്ങളാണ് യഥാർത്ഥത്തിൽ ഒരു നെറ്റ്‌വർക്കിൽ തുടരാൻ നമുക്ക് ആവശ്യമായത്.. ഇതിൽ ഇഷ്ടമുള്ള ഫോൺ നമുക്ക് വാങ്ങാം ബാക്കിയുള്ള രണ്ടു കാര്യങ്ങളായ റേഡിയോ സിഗ്നൽ , സിം കാർഡ് ഇവ ഓരോ കമ്പനിയും നമ്മുടെ ആവശ്യപ്രകാരം നമ്മുടെ അഡ്രസ് ഉൾപ്പടെ വാങ്ങിക്കൊണ്ട് അവരുടെ സേവനം നിശ്ചിത തുകയ്‌ക്കോ, നിശ്ചിതകാലാവധിക്കോ അനുസരിച്ചു  നമുക്ക് നൽകുന്നു. ഇതിലെ റേഡിയോ സിഗ്നലുകളും നമ്മുടെ മൊബൈൽ ഫോണും ആണ്  നമ്മുടെ നെറ്റ്‌വർക്കിന്റെ മോഡ് തീരുമാനിക്കുന്നത്.

നെറ്റുവർക് മോഡുകൾ 

നിലവിൽ 4G സപ്പോർട്ട് ഉള്ള  ഒട്ടുമിക്ക ഫോണുകളിലും ഉള്ള മോഡുകൾ ആണ് മുകളിലെ ചിത്രം.

ഇതിൽ LTE, WCDMA, GSM, ഇങ്ങനെ മൂന്നു മോഡുകൾ കാണാൻ സാധിക്കും.

LTE (Long Term Evolution) എന്നത്  നാലാം തലമുറയിലെ അഥവാ 4G  എന്ന് നമ്മൾ വിളിക്കുന്ന  മൊബൈൽ നെറ്റുവർക്കാണ്.

WCDMA (Wideband Code Division Multiple Access) എന്നത് മൂന്നാം തലമുറ അഥവാ 3G  എന്നുള്ളതും

GSM (Global System for Mobile)എന്നത് ആദ്യകാലം മുതൽ നിലവിൽ വന്ന ഒന്നും,രണ്ടും തലമുറയിൽപ്പെട്ട 1G ,2G എന്നരീതിയിൽ ഉള്ള നെറ്വർക്കുകളുമാണ്.

ഇനി നാലാം തലമുറയിലെ മറ്റൊരു സവിശേഷതയാണ് VoLTE (Voice Over Long Term Evolution) ഈ സവിശേഷത ആസ്വദിക്കാൻ അതിനു അനുയോജ്യമായ വോൾട്ട് ഫോണും അതിനു അനുവദിക്കുന്ന നെറ്റ്‌വർക്കും നിങ്ങൾക്കുണ്ടാകണം. നിലവിൽ ഇന്ത്യയിൽ വോൾട്ട സപ്പോർട്ട് ചെയ്യുന്നത് ജിയോ നെറ്റ്‌വർക്ക് മാത്രമാണ്. മറ്റുള്ളവർ ഇപ്പോളും കാളുകൾ  കണക്ട് ചെയ്യുന്നത് അവരുടെ GSM (2G ,3G ) നെറ്റുവർക്കുകൾ  വഴിയാണ്.

 

[wpc_featured_box]

ചില സംശയങ്ങൾ ഉത്തരങ്ങൾ

  1. CDMA  എന്നതും GSM എന്നതും ഒരേ നെറ്റുവർക് ആണോ?

അല്ല രണ്ടും രണ്ടു സ്വഭാവങ്ങൾ  ഉള്ള വ്യത്യസ്തമായ നെറ്റ്‌വർക്കുകൾ ആണ്. CDMA (Code Division Multiple Access) എന്നത് ചില നെറ്റ്‌വർക്കുകൾ പ്രതേകമായ  റേഡിയോ സിഗ്നൽ ഫ്രീക്കൻസി ഉപയോഗിച്ചുകൊണ്ട് ഓപ്പറേറ്റ് ചെയ്യുന്ന നെറ്റ്‌വർക്ക് ആണ് ഉദാഹരണം BSNL  CDMA , MTS , റിലൈൻസ് CDMA , റ്റാറ്റാ CDMA , വിർജിൻ CDMA , തുടങ്ങിയവ. ഇവയുടെ ഫ്രീക്കൻസി

B+ 897.5125 904.9875
B++ 909.0125 914.9875
ATG 894 895.5

ഈ തരത്തിൽ ആയിരിക്കും.

എന്നാൽ GSM എന്നത് പൊതുവായി എല്ലാ മൊബൈലികളും ഉപയോഗിക്കാവുന്ന നെറ്റ്‌വർക്ക് ആണ്. ഇതിൽ CDMA  ഫോണുകൾ ഉപയോഗിക്കാൻ കഴിയില്ല. ജിഎസ്എം ബാൻഡുകൾ യുറോപ്യൻ രാജ്യങ്ങളിൽ  900, ഉം 1800 MHz ഉം  നോർത്ത് അമേരിക്ക ഇന്ത്യ തുടങ്ങിയ ഇടങ്ങളിൽ 850, ഉം 1900 വുമാണ്.

2. എന്താണ് 2G, 3G,4G ,ഇവതമ്മിലുള്ള  വ്യത്യാസങ്ങൾ?

പ്രധാനമായും നെറ്റ്‌വർക്ക് സിഗ്നലുകൾ, ഇന്റർനെറ്റ് ഉപയോഗം, വോയിസ് കാളുകൾ  വിളിക്കുന്നതിൽ വന്ന മാറ്റങ്ങൾ ഇവയാണ് ഓരോ നെറ്റുവർക്കിന്റെയും പ്രതേകതകൾ. ഉദാഹരണമായി പറഞ്ഞാൽ 2G  നെറ്റ്‌വർക്കിൽ  19KB/S  ആണ് നെറ്റ്  ഉപയോഗിക്കാൻ ലഭിക്കുന്ന പരമാവധി വേഗത ഇതിനായി GPRS (General Packet Radio Service) ആണ് ഉപയോഗിക്കുന്നത്. 2.5G എന്ന നെറ്റ്‌വർക്കിൽ 40KB/S  ആണ് നെറ്റ്  ഉപയോഗിക്കാൻ ലഭിക്കുന്ന പരമാവധി വേഗത ഇതിനായി EDGE ( Enhanced Data rates for GSM Evolution) ആണ് ഉപയോഗിക്കുന്നത്. ഈ നെറ്റ്‌വേറുകളിൽ ഡാറ്റ അഥവാ ഇന്റർനെറ്റ് ഉപയോഗിക്കുന്ന സമയത് കാൾ വന്നാൽ മോഡം ഹോൾഡ് ആകുന്നതാണ്.

ഇവയുടെ ബാൻഡ് വിഡ്ത് 850 1900 ആയിരിക്കും.

മൂന്നാം തലമുറ അഥവാ 3G  ആദ്യം പറഞ്ഞതിൽ നിന്നും വളരെ വ്യത്യസ്തമായ നെറ്റുവർക്കാണ്. ഇതിൽ ഇന്റർനെറ്റ് ഉപയോഗിക്കാൻ 3G സ്പീഡ്  3.6 mbps to 21 mbps വരെ ഉപയോക്താവിന് ലഭിക്കുന്നു ഒപ്പം തന്നെ കാളുകൾ  വരുന്ന സമയത്തും ഡാറ്റ ഉപയോഗം നടക്കും എന്നതും സവിശേഷതയാണ്. ഇവയുടെ ബാൻഡ് വിഡ്ത്

Operating band Frequency band Frequency (MHz) UARFCN channel number
A (lower) IMT 1900 – 1920 9504 – 9596
A (upper) IMT 2010 – 2025 10054 – 10121
B (lower) PCS 1850 – 1910 9254 – 9546
B (upper) PCS 1930 – 1990 9654 – 9946
C PCS (Duplex-Gap) 1910 – 1930 9554 – 9646
D IMT-E 2570 – 2620 12854 – 13096
E 2300 – 2400 11504 – 11996
F 1880 – 1920 9404 – 9596

ബാൻഡ് അവലംബം https://en.wikipedia.org/wiki/UMTS_frequency_bands

നാലാം തലമുറ അഥവാ 4G  എന്നത് പ്രധാനമായി ഇന്റർനെറ്റ് ഉപയോഗത്തിലെ വേഗതയെ മുൻനിറുത്തുന്നു.

Data speeds of LTE-Advanced
LTE Advanced
Peak download 1000 Mbps
Peak upload 500 Mbps

ഇതിൽ തന്നെ വോൾട്ട് സപ്പോർട്ടുള്ള ഫോണുകൾ വഴി വോയിസ് ഓവർ LTE  എന്ന ഫീച്ചർ വഴി കാളുകളും  ചെയ്യാൻ കഴിയുന്നതാണ്.

 

3. എന്റെ ഫോൺ  2G, 3G, ഇവ സപ്പോർട്ട് ചെയ്യുന്ന ഫോൺ ആണ് എനിക്കിത് 4G  ആക്കി മാറ്റാൻ കഴിയുമോ?

3G  4G  തുടങ്ങിയവ പ്രത്യേകം പ്രത്യേകം ബാന്റുകളാണ്. ഓരോ ഫോണുകളും കമ്പനികൾ നിർമിക്കുമ്പോൾ അവരുടെ ഫോണുകളിൽ സപ്പോർട്ട് ചെയ്യുന്ന ബാൻഡുകളും ഫ്രീക്കൻസികളും അവർ പറഞ്ഞിട്ടുണ്ടാകും അതിനാൽ തന്നെ 1900 -2100 ഫ്രക്കൻസിയിൽ വർക്ക് ചെയ്യുന്ന 3G  ഫോണുകൾ 2300 MHZ  ഫ്രീക്കൻസി വരുന്ന 4G നെറ്റുവർക്കിനെ സ്വീകരിക്കാൻ പര്യാപ്തമായിരിക്കില്ല.

 

പലരും ആൻഡ്രോയിഡിൽ എഞ്ചിനീയറിംഗ് മോഡ് (*#*#4636#*#*) ഡയൽ ചെയ്തു അവരുടെ ഫോൺ ഇൻഫർമേഷനിൽ നെറ്റ്‌വർക്ക് ടൈപ്പ് LTE  എന്നാക്കി മാറ്റി ശ്രെമിക്കാറുണ്ട്.

ഓർക്കുക ആൻഡ്രോയിഡ് എന്ന ഓപ്പറേറ്റിംഗ് സിസ്റ്റം അതിന്റെ വേർഷൻ അനുസരിച്ചു നിരവധി ഫോണുകൾക്കായി ആണ് ഉണ്ടാക്കുന്നത്. അതിൽ എല്ലാ ഓപ്ഷനും കാണും കാരണം 4G  ഫോണുകളിലും ഇതേ ഓപ്പറേറ്റിംഗ് സിസ്റ്റംതന്നെ ആണ് ഇൻസ്റ്റാൾ ചെയ്യപ്പെടുന്നത്. എന്നാൽ  നെറ്റ്‌വർക്ക് മോഡുകൾ എല്ലാ  ഫോണുകളിലും ഒരുപോലെ അല്ല. 3G  ഫോണുകളിൽ 4G  കിട്ടില്ല. ഓൺലൈൻ തട്ടിപ്പുകളിൽ ട്യൂട്ടോറിയലുകളിൽ വഞ്ചിതരാവാതിരിക്കുക. 3G ഫോൺ 4G  ആക്കുന്ന രീതി ഉണ്ടെങ്കിൽ പിന്നെ കമ്പനികൾക്ക് പുതയ സോഫ്റ്റ്‌വെയർ മാത്രം ചെയ്തുകൊണ്ട് അവരുടെ മാർക്കറ്റ് ഉൾപ്പടെ നിലനിർത്താൻ കഴിയുമല്ലോ. MTK  ചിപ്പുകളിൽ ചിലത് ഇത്തരത്തിൽ പ്രവർത്തിക്കും പക്ഷെ വളരെ കുറഞ്ഞ സമയത്തേക്കു മാത്രമാണ് ഈ പ്രവർത്തനം. ഒപ്പംതന്നെ ചിലപ്പോൾ നിങ്ങളുടെ ആ ഡേവിസ് എന്നെന്നേക്കുമായി നഷ്ടമാകാനും അത് കാരണമാകാം.

4. ഏതൊക്കെ ബാന്റുകൾ ആണ് ഇന്ത്യയിൽ 4G  സപ്പോർട്ട് ചെയ്യുന്നവ?

ഇന്ത്യൻ ബാന്റുകൾ ഞാൻ ഒരു ടേബിൾ രൂപത്തിൽ അവതരിപ്പിക്കാം. ചിലപ്പോൾ ഈ ടേബിൾ വായിക്കാൻ നിങ്ങൾക്ക് കമ്പ്യൂട്ടർ വേണ്ടി വന്നേക്കാം.

Telecom Circle Airtel Reliance Jio Vodafone Idea Cellualr BSNL Aircel
Delhi BAND 3, 40 BAND 3, 40 BAND 3 No No No
Mumbai BAND 3, 40 BAND 3, 5, 40 BAND 3 BAND 3 No No
Kolkata BAND 3, 40 BAND 3, 40 BAND 3 BAND 3 No BAND 40
Andhra Pradesh BAND 3 BAND 3, 40 No BAND 3 No BAND 40
Gujarat BAND 3 BAND 3, 40 BAND 3, 40 BAND 3 No No
Karnataka BAND 3, 40 BAND 3, 40 BAND 3 BAND 3 No BAND 40
Maharastra BAND 40 BAND 3, 40 BAND 3 BAND 3 No No
Tamil Nadu BAND 3 BAND 3, 40 No BAND 3 No BAND 40
Haryana BAND 3, 40 BAND 3, 5, 40 BAND 3 BAND 3 BAND 41 No
Kerala BAND 3, 40 BAND 3, 40 BAND 3 BAND 3 BAND 41 BAND 40
Madhya Pradesh BAND 3, 40 BAND 3, 5, 40 BAND 3 BAND 3 BAND 41 No
Punjab BAND 3, 40 BAND 40 BAND 3 BAND 3 BAND 41 No
Rajasthan BAND 3 BAND 3, 40 BAND 40 No BAND 41 BAND 40
Uttar Pradesh (East) BAND 3 BAND 3, 5, 40 BAND 3, 40 BAND 3 BAND 41 No
Uttar Pradesh (West) BAND 3 BAND 40 BAND 40 BAND 3 BAND 41 BAND 40
West Bengal BAND 3 BAND 3, 40 No BAND 3 BAND 41 No
Assam No BAND 3, 5, 40 No BAND 3 BAND 41 BAND 40
Bihar BAND 3 BAND 40 No No BAND 41 BAND 40
Himachal Pradesh BAND 3, 40 BAND 3, 5, 40 BAND 40 BAND 3 BAND 41 No
Jammu & Kashmir BAND 3, 40 BAND 5, 40 No BAND 3 BAND 41 BAND 40
North East BAND 3, 40 BAND 3, 5, 40 No BAND 3 BAND 41 BAND 40
Orissa BAND 3, 40 BAND 3, 5, 40 No BAND 3 BAND 41 No

നിങ്ങൾ ഈ പോസ്റ്റ് മനസ്സിലാക്കും എന്ന് കരുതുന്നു. വിലപ്പെട്ട സമയം ചിലവിട്ട് എഴുതിയ പോസ്റ്റിനു നിങ്ങളുടെ കമെന്റുകൾ നൽകുക. ഒരുപരസ്യം പോലും ഇല്ലാതെ ആണ് ഈ വെബ്സൈറ്റ് നിങ്ങൾക്കായി ഞങ്ങൾ കുറച്ചുപേർ ചേർന്നു നടത്തുന്നത്.  ഒരു അപേക്ഷയുണ്ട് ദയവായി പോസ്റ്റ് മോഷ്ടിക്കരുത് നിലവിൽ 3  മണിക്കൂർ കൊണ്ട് എഴുതിയ ഒരു പോസ്റ്റാണ് ഇത് . നിങ്ങളുടെ സുഹൃത്തുക്കൾക്ക് കൊടുക്കാൻ ഈ വെബ്സൈറ്റ് അഡ്രസ് കൊടുക്കുക. നീളത്തിലുള്ള ടെസ്റ്റുകൾ വാട്സാപ്പിൽ അയച്ചാലും 90% ആളുകളും വായിച്ചു നോക്കില്ല. അതിനാൽ കോപ്പി അടിക്കരുത്. അഭിപ്രായങ്ങൾ അറിയിക്കുക. കമെന്റുകൾ ചെയ്യുക.

സ്നേഹപൂർവ്വം

സുധീർ കബീർ

 

 

5 Comments

  1. Muhsin Aboobacker Muhsin Aboobacker
  2. mashood nadapuram

Leave A Comment