Online Shopping is a Trap?

എനിക്ക് ഇന്ന് ഉണ്ടായ ഒരു അനുഭവം നിങ്ങളുമായി പങ്ക് വെക്കാനാണ് ഈ പോസ്റ്റ് ..

Federal Bank – ൽ നിന്നും ലഭിച്ച ATM VISA കാർഡ് ഉപയോഗിച്ച് ഞാൻ ആൻഡ്രോയിഡിലെ പ്ലയ് സ്റ്റോറിൽ Payment ഓപ്ഷൻ സെലക്റ്റ് ചെയ്തു.

തത്സമയം കാർഡ് നമ്പർ ചോദിച്ചു. കാർഡ് നമ്പർ, എക്സ്പിരി ഡേറ്റ്, സിവിവി കോഡ് (കാർഡിന്റെ പിന്നിലെ 3 അക്കങ്ങൾ) കൊടുക്കുവാൻ ആപ്ലിക്കേഷൻ ആവശ്യപ്പെട്ടു. അത് നൽകി Continue പറഞ്ഞ എനിക്ക് ബാങ്കിൽ നിന്നും എന്റെ അക്കൗണ്ടിലെ 50 രൂപ ഗൂഗിൾ സർവ്വീസ്  പിൻവലിച്ചതായി SMS കിട്ടി. ഇതിലെ പ്രശ്നം എന്താണെന്നാവും നിങ്ങൾ ചിന്തിക്കുന്നത്.


നിലവിൽ ബാങ്കിലെ ഓൺലൈൻ ട്രാൻസാക്ഷൻസിനു OTP എന്ന വൺ ടൈം പാസ് വേഡ് നമുക്ക് ലഭിക്കുന്നതാണ്. 

എന്നാൽ ഗൂഗിളിൽ നടത്തിയ ഈ ട്രാൻസാക്ഷനു (നിലവിൽ ട്രാൻസാക്ഷൻ അല്ല Payment type ആണു അതിലേക്ക് ചെയ്തത് ) OTP വന്നില്ല എന്നു മാത്രമല്ല പൈസ പോവുകയും ചെയ്തു.(അത്  കുറച്ച് കഴിഞ്ഞ്തിരികെ കിട്ടി)
എന്നാൽ CSB (Catholic Syrian Bank) ന്റെ VISA കാർഡ് നമ്പർ കൊടുത്തപ്പോൾ അവർ ഗൂഗിളിന്റെ ഈ കടന്നുകയറ്റം തടയുകയും എന്റെ ഫോണിലേക്ക് അതിന്റെ വിവരങ്ങൾ മേസേജ് അയക്കുകയും ചെയ്തു.

ഇനി കാര്യത്തിലേക്ക് വരാം

 എന്റെ ചോദ്യങ്ങൾ
1. ഇത്തരത്തിൽ കസ്റ്റമിന്റെ അനുവാദം / സ്ഥിരീകരണം ഇല്ലാതെ ഗൂഗിളിന് പണം കൈമാറിയ ബാങ്കിന്റെ നടപടി ശരിയാണോ?

2. നമ്മുടെ പേഴ്സ് നഷ്ടപ്പെട്ടാൽ അതിലുള്ള കാർഡ് ഉപയോഗിച്ച് മറ്റൊരാൾക്ക് ഇത്തരത്തിൽ ചെയ്യാൻ കഴിയില്ലെ.?( ചെയ്ത ആളെ കണ്ട് പിടിക്കുമായിരിക്കാം )

3. കസ്റ്റമറിന്റെ പണം ഇത്തരത്തിൽ നഷ്ടപ്പെടുന്നത് തടയാനുള്ള OTP ടെക്നോളജി ഗൂഗിളിന് ബാധകമല്ലെ ?അല്ലെങ്കിൽ എന്ത് കൊണ്ട്?

4. എത്ര ട്രസ്റ്റഡ് വെബ് സൈറ്റ് ആയാലും അവർക്ക് ഒരാളുടെ പണം കൈമാറുമ്പോൾ അതിന് മുൻപ് കസ്റ്റമറുടെ തീർച്ചയാക്കൽ (confirmation) ബാങ്ക് ചോദിക്കാൻ ബാദ്ധ്യത ഇല്ലേ?

ഒരു പക്ഷേ നമ്മൾ നിസാരമായി കാണുന്ന തുകയാവാം ഈ 50 രൂപ.

പക്ഷേ ഇതിലെ വലിയ പ്രശ്നം നമ്മൾ അറിഞ്ഞോ, അറിയാതെയോ, ( മറ്റൊരാൾ കാർഡ് ഉപയോഗിക്കുന്ന അവസ്ഥ) കാർഡിന്റെ ഡീറ്റയിൽസ് കൊടുത്താൽ ഇത്തരം ഒന്നോ, അതിലധികമോ ട്രാൻസാക്ഷൻ ട്രസ്റ്റഡ് സൈറ്റിന് എന്ന പേരിൽ നടത്തുന്നതിലെ പോരായ്മയാണ്. ഗൂഗിൾ Fake അക്കൗണ്ടുകൾ ഉപയോഗിച്ച് ഇത്തരം ആക്റ്റിവിറ്റി ഉണ്ടായാൽ ആരോടാണ് നമ്മൾ നഷ്ടപ്പെടാവുന്ന പണം ചോദിക്കുക.

ഒരു വെരിഫിക്കേഷനായി ബാങ്കിന്റെ കസ്റ്റമർ കെയറിൽ വിളിച്ചപ്പോൾ ഗൂഗിളിന് അത്തരം ഒരു One time പെർമിഷൻ ഉണ്ടെന്നും അത് Bank നു Block ചെയ്യാൻ കഴിയില്ല എന്നും പറഞ്ഞു. ഇത്തരം ഒരു പെർമിഷൻ കസ്റ്റമർ എങ്ങനെ വിശ്വസിക്കണം എന്ന ചോദ്യത്തിന് ബ്രാഞ്ചിൽ പരാതി നൽകു എന്ന മറുപടിയിൽ അതവസാനിപ്പിച്ചു.

ഈമണി (E – Money ) അവസാനം നമ്മുക്കൊക്കെ ഈകെണി ആകുമോ എന്ന ഭയത്തോടെ നിങ്ങളുടെ ബാങ്കിനും ഇത്തരം പ്രശ്നങ്ങൾ ഉണ്ടോ എന്നന്വേഷിക്കണം എന്ന അഭ്യർത്ഥനയോടെ

സ്നേഹപൂർവ്വം

സുധീർ കബീർ


3 Comments

  1. Haris TR ഹാരിസ്

Leave A Comment